ఈ మొత్తం రిజిస్ట్రేషన్ పనులు పూర్తి అయ్యాకనే షర్మిల ఇడుపులపాయ ఎస్టేట్ కి చేరుకున్నారు. ఈ ఆస్తులతో పాటుగా హైదరాబాద్ లో తన పేరిట ఉన్న ఆస్తులను కూడా షర్మిల తమ బిడ్డలు ఇద్దరికీ పంచబోతున్నట్లుగా విశ్వసనీయ సమాచారంగా తెలియవచ్చింది. తండ్రి జయంతి వేళ ఇలా ఆస్తులను పంచడం చేస్తే మంచిదని పెద్దలు చెప్పిన మీదటనే షర్మిల ఈ నిర్ణయం తీసుకున్నారుట.
తన పేరు మీద ఉన్న ఆస్తులను ఇలా పంచడం ద్వారా షర్మిల ఏమి ఆలోచిస్తున్నారు అన్నది అర్ధం కావడం లేదు అంటున్నారు. అయితే తన వారసులకు ఆమె చాలా ముందుగానే ఆస్తులను అప్పగించారని అంటున్నారు. రాజకీయంగా ఆమె ఇపుడు కీలక దశలో ఉన్నారు. తన పార్టీని కాంగ్రెస్ లో విలీనం చేస్తారు అని ప్రచారం అయితే సాగింది. కానీ మరో సంచలన నిర్ణయమే ఆమె తండ్రి జయంతి వేళ తీసుకున్నారు అని అంటున్నారు.
ఆమె రాజకీయంగా కూడా రానున్న రోజూల్లో సంచలన నిర్ణయాలు తీసుకోవడానికే ఇలా చేశారా అన్న చర్చ కూడా సాగుతోంది. అన్న జగన్ తో ఆమెకు విభేదాలు ఉన్నాయన్న వార్తల నేపధ్యంలో ఉదయం షర్మిల మధ్యాహ్నం జగన్ ఇడుపుల పాయలో తండ్రికి వేరు వేరుగా నివాళి అర్పిస్తున్నారు.
